اخوانى الأعزاء
طبعا كلنا عارفين مأساة كل واحد فينا مع
موقع الرابيد شير وده بسبب الانتظار
بين تحميل ملفين ورا بعض مما يصيب بعض الناس
بالشلل الموقت الى ان تنتهى مدة الانتظار
وناس كتير جابت برامج و مواقع وسيرفرات بتاخد اللينك
عندها ولكن لم تحل مشكلة الانتظار بين تحميل
ملفات متتالية لكن
لقينا حل ممتاز وهو فصل الرواتر واعادة تشغيله من جديد
لتغيير الاى بى وفعلا تم حل المشكلة والحمد لله
لكن مع الاسف الموضوع ده مسبب مشكلة
عند بعض الناس اللى مشتركين فى سيبرات
او ان يكون الراوتر عند واحد بعيد عنهم
يعني بيتغير مع عمل ريستارت للراوتر
واخيرا هدانى الله الى الحل اللى يجعلنى
اعمل ريستارت للراوتر وانا قاعد فى مكانى زى الباشا
طيب ايه هو الحل ده ؟؟؟
طبعا كلنا عارفين ان كل شبكة محلية
LAN
ليها اى بى خاص بيها او ال
Getway
وده ممكن نعرفه باستخدام برنامج
WinArpSpoofe
المشهور على سبيل المثال 10.0.0.5 مثلا يعنى
طيب حنكتب الاى بى ده فى شريط عنوان
اى صفحة انترنت فوق ونضغط Enter حيفتح
لنا صفحة الراوتر وحيطلب منك اسم متسخدم وباسوورد
ودول ممكن تعرفهم من صاحب الوصلة
او من شركة النت اللى انت مشترك فيها
طيب لو مش عارف تعمل ايه ؟
فى خانة اسم المستخدم اكتب كلمة
admin
وفى خانة الباسوورد اكتب
admin
واضغط
Enter
حتدخل غلى صفحة الراوتر ولو ما دخلش
يبقى معلش لازم تعرف البيانات الحقيقية
حتلاقى على الشمال قايمة فى آخرها جملة
management
اضغط عليها
حيطلع لك على اليمين فوق جملتين فوق بعض
Save and reboot
وانتظر عمل الريستارت
بعد كده روح لرابط من روابط الرابيد شير
وافتحه
وبعد ما يخلص تحميل اعمل ريستارت تانى
وحمل ملف جديد زى ما قولت لك
حتلاقيه يحمل معاك تانى ان شاء الله.
انا عملت الموضوع ده والحمد لله بحمل
من الرابيد شير دلوقتى ورا بعض
وبعدين ترجع تحمل ورا بعض تانى
ارجو من الله ان اكون قد وفقت فى حل هذه المشكلة
انا عارف انى طولت عليكم لكن معلش الموضوع يستاهل.
مع تحيات مصطفى سامح